Electrolux EOB8851AAX Recipe Book download pdf (Page 23)

Brumin bëjeni në formë të gjatë buke dhe

vendosini në tavën e pjekjes ku fundi të

jetë lyer me yndyrë ose të jetë mbuluar

me letër gatimi.

Lëreni bukën sërish të vijë edhe një herë

sa gjysma e vëllimit. Përpara se ta piqni

lyejeni brumin me pak miell.

• Koha në pajisje: 60 minuta

• Pozicioni i raftit: 2

• Shtoni 300 ml ujë në sirtarin e ujit.

8.9 Pirozhka (30 copë të vogla)

Përbërësit për brumin:

• 250 g miell speltë

• 250 g gjalpë

• 250 g djathë kuark pa yndyrë

• kripë

Përbërësit për mbushjen:

• 1 kokë e vogël lakre të bardhë (400 g)

• 50 g pastërma derri

• 2 lugë gjalpë të kulluar

• kripë, piper dhe arrë moskat

• 3 lugë gjelle ajkë e athët

• 2 vezë

Tjetër:

• Tavë gatimi me letër gatimi

Metoda:

Punoni miellin e speltës, gjalpin, yndyrën

dhe pak kripë dhe vendoseni në

frigorifer.

Priteni lakrën e bardhë në shirita të hollë.

Priteni pastërmanë në copa dhe skuqeni

në gjalpin e kulluar. Shtoni lakrën dhe

skuqeni deri sa të jetë zbutur. Hidhini

kripë, piper dhe arrë moskati dhe shtoni

ajkën e athët.

Vazhdoni ta trazoni deri sa i gjithë lëngu

të jetë avulluar.

Zieni fort vezët, ftohini dhe pritini në

kubikë, përziejini me lakrën dhe lëreni të

ftohet.

Hapeni brumin dhe prisni rrathë me

diametër 8 cm.

Vini pak nga mbushja në mes të secilit

rreth dhe paloseni. Mbyllini anët duke i

ngjeshur me një pirun.

Vendosni pirozhkën në një tavë pjekjeje

të shtruar me letër gatimi dhe lyejeni me

të verdhë veze.

• Koha në pajisje: 20 minuta

• Pozicioni i raftit: 3

8.10 Bukë me maja e thurur

Përbërësit për brumin:

• 750 g miell

• 30 g maja birre

• 400 ml qumësht

• 10 g sheqer

• 15 g kripë

• 1 vezë

• 100 g gjalpë

Përbërësit për garniturën:

• 1 të verdhë veze

• pak qumësht

Metoda:

Siteni miellin në një tas përzierje dhe

krijoni një boshllëk në qendër. Copëtoni

majanë e birrës, hidheni në pjesën e

hapur të miellit, përziejeni me qumështin,

pak sheqer, dhe pak miell nga anët,

trazojeni me miellin dhe lëreni masën në

një vend të ngrohtë që të vijë derisa

pjesa e brumit e lyer me miell nga lart të

fillojë të plasaritet.

Hidheni pjesën e mbetur të sheqerit,

kripës, vezën dhe gjalpin në anë të

miellit. Të gjithë përbërësit përziejini në

një masë brumi me maja.

Lëreni brumin në një vend të ngrohtë që

të vijë derisa të jetë dyfishuar në masë.

Pastaj ndajini në tre pjesë të barabarta

brumi dhe secilën bëjeni si një litar.

Gërshetojini litarët.

Pastaj mbulojini dhe lërini të vijnë për një

gjysmë ore tjetër. Lyejeni sipërfaqen e

gërshetit me një përzierje të verdhe veze

dhe qumështi, dhe futeni në furrë.

• Koha në furrë: 50 minuta

• Pozicioni i raftit: 3

SHQIP 23

1 2 ... 18 19 20 21 22 23 24 25 26 27 28 ... 31 32

Comments to this Manuals

No comments